Эрсдэл хэнд ч, хэзээ ч тохиолдож болзошгүй. Тиймээс тухайн үед үүссэн нөхцөл байдлаа зөв үнэлж, эрсдэлийг хохирол багатай туулах арга ухаанд хүн бүр суралцсан байх учиртай. #Урьдчилансэргийлье. Сэрэмжтэй байя.

Цагдаагийн газраас Булган сумын ГХУСАЗСЗ-тэй хамтран “Цахим орчин дахь хүүхэд хамгаалал”, “Үе тэнгийн дээрэлхэлт, түүнээс урьдчилан сэргийлье” зэрэг сэдвээр Ерөнхий боловсролын 1 дүгээр сургуулийн ахлах ангийн сурагчдад сургалт зохион байгуулж, үе тэнгийн дээрэлхэлтээс урьдчилан сэргийлэх зурагт хуудас байршуулж, цахим орчинд аюулгүй байдлаа хангах чиглэлээр гарын авлага тарааж ажиллалаа.

Булган сумын ИТХ, сумын ЗДТГ болон сумын Гэмт хэргээс урьдчилан сэргийлэх ажлыг зохицуулах салбар зөвлөл хамтран Булган сумын ерөнхий боловсролын сурагчдын дунд "ХУУЛЬ СУРТАЛЧИЛАХ НЭГ ӨДӨР" дэвжээ тэмцээн, "ХҮҮХЭД ХАМГААЛАЛ БИДНИЙ ОРОЛЦОО" сэдэвт эссэ бичлэгийн уралдааныг тус тус зохион байгууллаа. "ХУУЛЬ СУРТАЛЧИЛАХ НЭГ ӨДӨР" дэвжээ тэмцээний 🥇Тэргүүн байранд: Б.Мөнхжин ахлагчтай "Цэлмэг" баг, 🥈Дэд байранд: Н.Мягмардулам ахлагчтай "Зема" баг, 🥉Гутгаар байранд: н.Хэрлэн ахлагчтай "Сэтгэмж" баг ХҮҮХЭД ХАМГААЛАЛ БИДНИЙ ОРОЛЦОО" эссэ бичлэгийн уралдааны 🥇Тэргүүн байранд: 3 дугаар сургуулийн 12б ангийн сурагч Б.Должинсүрэн, 🥈Дэд байранд: 1 дүгээр сургуулийн 11а ангийн сурагч Б.Одмаа, 🥉Гутгаар байранд: 3 дугаар сургуулийн 10а ангийн сурагч У.Номунбилэг нар тус тус шалгарлаа. Дэвжээ тэмцээнд 10 баг, ЭССЭ бичлэгийн уралдаанд 13 оролцогч оролцов. ТЭМЦЭЭНД ОРОЛЦСОН НИЙТ СУРАГЧИДДАА ТАЛАРХАЛ ИЛЭРХИЙЛЭН БАЯР ХҮРГЭЖ ЦААШДИЙНХ НЬ ХИЧЭЭЛ СУРЛАГАД НЬ ӨНДӨР АМЖИЛТ ХҮСЭН ЕРӨӨЕ.

Сумын иргэдийн Төлөөлөгчдийн Хурлын дэргэдэх ГХУСАЗСЗ 2023 оны 11 дүгээр сарын 01-ний өдрийн 11.0 цагт хуралдав. Хурлаар: Салбар зөвлөлийн 2023 оны үйл ажиллагааны төлөвлөгөө, зардлын хувиарлалтад өөрчлөлт оруулах, ЕБС-ийн ахлах ангийн сурагчдын дунд зохион байгуулах "Дэвжээ" тэмцээний бэлтгэл ажлын явц, ЭССЭ бичлэгийн уралдаанд ирүүлсэн материал зэрэг асуудлуудыг хэлэлцэн шийдвэрлэв.

Цагдаагийн байгууллагын хэмжээнд 2023 оны эхний найман сард 25392 гэмт хэрэг бүртгэгдсэний 3289 буюу 13.0 хувь нь согтуугаар үйлдэгдсэн гэмт хэрэг эзэлж байна. Согтуугаар үйлдэгдсэн 3289 гэмт хэргийг өмнөх оны мөн үетэй харьцуулахад 616 буюу 15.8 хувиар буурсан үзүүлэлттэй байна. 3289 гэмт хэргийн 1411 буюу 42.9% нийслэлд, 1878 буюу 57.1% нь орон нутагт, өмнөх оны мөн үед 3905 гэмт хэргийн 1816 буюу 46.5% нь нийслэлд, 2089 буюу 53.5% нь орон нутагт тус тус бүртгэгджээ. Цагдаагийн байгууллагаас согтуугаар үйлдэгдэх гэмт хэрэг, зөрчлөөс урьдчилан сэргийлэх чиглэлээр өмнө зохион байгуулж байсан "Намайг алгас" нөлөөллийн аяны үргэлжлэл "Та-татгалз" ерөнхий арга хэмжээг энэ оны есдүгээр сарын 18-аас 30 хоногийн хугацаатай зохион байгуулж эхэллээ.

Улсын хэмжээнд зохион байгуулагдаж буй Нэг зам- Нэг соёл арга хэмжээ Булган аймаг, Булган суманд хэрэгжиж байна. Замын хөдөлгөөнд оролцогч иргэн, жолооч Та зам тээврийн хэрэг, осол, зөрчлөөс урьдчилан сэргийлж, байгаль орчиндоо эерэг хандлагаар хандаарай. Баярлалаа.

Замын хөдөлгөөнд оролцохдоо ЖОЛООЧ ТА хурд хэтрүүлэх, гэрэл шилжүүлэхгүй, тээврийн хэрэгслийн бүрэн бүтэн байдлыг хангахгүй зорчсоноор эд хөрөнгө, амь насаа алдах нь хэвийн үзэгдэл мэт үргэлжилсээр байна. Хэрвээ жолооч та хурдаа тохируулж чадвал дээрх аюул осол гарахгүй байх бүрэн боломжтой.

Хууль зүй, дотоод хэргийн сайд, Сангийн сайдын 2023 оны 05 дугаар сарын 26-ны өдрийн А/183, А/112 дугаар хамтарсан тушаалаар "Гэмт хэрэг, зөрчлөөс урьдчилан сэргийлэх ажилд идэвхтэй оролцсон хүн, хуулийн этгээдийг урамшуулах журам"-ыг шинэчлэн баталлаа.

Сэжигтэй линк, сэжигтэй дуудлагыг бүү ав! Цахим гэмт хэргийн хохирогч болохоос сэргийлье. Нийгмийн сүлжээ дахь ХАЯГ, интернэт банкны нууцлалаа илүү сайжруулаарай.

ТӨСӨЛ АВЛИГАТАЙ ТЭМЦЭХ ҮНДЭСНИЙ ХӨТӨЛБӨР. 2023 – 2030 ОН Зорилго 1. Улс төрийн хүрээнд авлигатай тэмцэх хүсэл зориг, хүчин чармайлт, манлайлал, ил тод байдлыг төгөлдөршүүлнэ. Зорилго 2. Олон нийтийн итгэлийг хүлээсэн авлигаас ангид нийтийн албыг бэхжүүлнэ. Зорилго 3. Авлигатай тэмцэх үйл ажилллагаанд иргэд, олон нийтийн байгууллага, хэвлэл мэдээллийн бодит оролцоо, үр дүнтэй хяналтыг бэхжүүлнэ. Зорилго 4. Хувийн хэвшилд авлигыг үл тэвчих соёлыг төлөвшүүлнэ. Зорилго 5. Авлигатай тэмцэх чиг үүрэг бүхий байгууллагуудын хараат бус, бие даасан байдлыг хангаж, аливаа нөлөөллийн эрсдэлийг бууруулна. Зорилго 6. Авлигын гэмт хэргийн шинжийг хийдэлгүй тодорхойлох, хэрэг хянан шийдвэрлэхтэй холбоотой эрх зүйн орчин, холбогдох хуулийн зохицуулалтыг боловсронгуй болгоно. Зорилго 7. Төсөв, санхүү, аудитын хяналтыг сайжруулан, худалдан авах ажиллагаан дахь авлигын эрсдэлийг бууруулна. Зорилго 8. Төрийн болон орон нутгийн өмчит хуулийн этгээдийн засаглалыг олон улсын жишигт нийцүүлэн, ил тод, үр ашигтай, хариуцлагатай хяналтын тогтолцоог бүрдүүлнэ. Зорилго 9. Соён гэгээрүүлэх үйл ажиллагааг олон нийтийн оролцоонд тулгуурлан цогц байдлаар зохион байгуулна. Зорилго 10. Гамшгаас хамгаалах, онц байдлын үеийн үйл ажиллагаа болон үндэсний аюулгүй байдлыг хангах тусгайлсан чиг үүрэг бүхий байгууллагуудын үйл ажиллагаанд авлигаас урьдчилан сэргийлэх тогтолцоо бүрдүүлнэ.

Булган сумын ИТХ-ын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөлөөс харанхуй гудамжийг гэрэлтүүлэгтэй болгох ажлын хүрээнд хийгдсэн ажлаас...

Аймгийн ГХУСАЗСЗ, Цагдаагийн газар, Аймгийн ИТХ-ын Иргэний танхим хамтран Булган сумын хяналтын камерийн ашиглалт хэлэлцүүлгийг 2023 оны 05 дугаар сарын 03-ны өдөр аймгийн ЗДТГ-т зохион байгуулав. Уг хэлэлцүүлэгч Булган сумын ИТХ-ын 11 төлөөлөгч оролцов. Хэлэлцүүлгийн дараа хяналтын камерын ажиллагаатай танилцлаа.

"Хүн бүр байгаль хамгаалагч аян"-ы хүрээнд Монгол Улсын Гэмт хэргээс урьдчилан сэргийлэх ажлын зохицуулах зөвлөлөөс уралдаан зарласан байгаа тул идэвхтэй оролцохыг уриалж байна.

Аймгийн ГХУСАЗСЗ-өөс ирүүлсэн чиглэлийн дагуу "Хүн бүр байгаль хамгаалагч" сарын аяны хүрээнд хийх ажлын талаар хэлэлцэж, ГХУСАЗСЗ-ийн 2023 оны батлагдсан төлөвлөгөөнд тусгагдсан ажлаа өөрчлөхгүйгээр зохион байгуулахаар шийдвэрлэв.