Булган аймгийн төв Булган суманд малын гоц халдварт шүлхий өвчин дэгдээд багагүй хугацаа өнгөрлөө. Нутаг орныхоо төлөө санаа зовдог олон хүмүүс энэ хугацаанд өөрсдийн сайхан сэтгэлийн гараа сунгасаар байна. Тэдний нэг нь Монгол улсаас Турк улсын Станбул хотод ерөнхий консулаар ажиллаж буй УИХ-ын гишүүн асан Э.Мөнх-Очир юм. Тэрээр халдварт өвчний үеийн нэн шаардлагатай тоног төхөөрөмж болох ариутгалын цэг /Диз камер/-ыг "Булган хөгжил" корпорацаар дамжуулан Булган сумын ЗДТГ-т хүлээлгэн өглөө. Тус ариутгалын диз камер 4.26м өндөр, 23м урттай ба нэг дор 4 суудлын автомашин ариутгах багтаамжтай юм. Сэтгэлийн тус хүргэсэн Ерөнхий консул Э.Мөнх-Очир болон "Булган хөгжил" корпорацын хамт олондоо талархал илэрхийлье.