Булган сумын Иргэдийн төлөөлөгчдийн хурлаас жил бүр уламжлал болгон явуулдаг "Хэлмэгдэгсдийн дурсгалыг мөнхжүүлэх" арга хэмжээг 2019 оны 09 сарын 10-ны өдөр зохион байгууллаа. Өнөөдрийн арга хэмжээнд аймгийн Иргэдийн төлөөлөгчдийн хурал, Засаг даргын тамгын газар болон Булган сумын Засаг даргын тамгын газар, Соёлын ордонтой хамтран оролцлоо. Энэ удаагийн хэлмэгдэгсдийн ар гэрийнхэнд хүндэтгэл үзүүлэх арга хэмжээний үеэр Ерөнхий боловсролын сургуулийн ахлах ангийн сурагчдад "Их хэлмэгдүүлэлт" сэдвээр уулзалт ярилцлага зохион байгуулсан нь ихээхэн онцлогтой боллоо. мөн энэ үеэр 4-р багийн иргэн Ж.Алтансувд, 6-р багийн иргэн Д.Магсаржав нарт аймгийн Засаг дарга З.Батзориг тус бүрт нь 500.000 төгрөгний тусламж үзүүллээ.