Монгол Улсын нутгийн Удирдлагын Холбооноос 2022 оны 02 дугаар сарын 10-11-ний өдрүүдэд зохион байгуулсан танхимын сургалтад Булган сумын ИТХ-ын Төлөөлөгчид, зарим багийн ирнэдийн Нийтийн Хурлын дарга болон Засаг дарга нар хамрагдав

Булган сумын "Жаргалант" багаас ИТХ-д сонгогдсон төлөөлөгч Г.Батхуяг миний бие, төлөөлөгч Х.Баясгалан, Б.Солонгоогийн хамт багийнхаа айл өрхөөр орж санал хүсэлтийг нь сонсож, нэг өрхөд хөрөөдсөн түлээ, нэг өрхөд гишүү мод, 8 өрхөд тус бүр 2 шуудай нүүрс тарааж өгч ажиллаа. Гэр хороололын иргэдийн хувьд түлээгээ авч амжаагүй, гоожин хүлээсэн иргэд цөөнгүй байна.

Монгол улсын Төрийн албаны зөвлөлийн тогтоол

Булган сумын ИТХ-ын Тэргүүлэгчдийн хурал болов. хурлаар Сумын ИТХ-ын 2021 оны хуралдаануудаас гарсан санал шүүмжлэлийн мөрөөр авсан арга хэмжээний мэдээлэл, Сумын ИТХ-ын 2021 оны үйл ажиллагааны тайлан, Сумын ИТХ-ын 2022 оны төлөвлөгөөний төсөл, сумын Засаг даргын 2021-2024 оны үйл ажиллагааный хөтөлбөрийн 2021 оны хэрэгжилтийн тайлан, Сумын 2021 оны үйл ажиллагааны үндсэн чиглэлийн биелэлт, 2022 оны үндсэн чиглэл батлах тухай, Сумын 2021 оны төсвийн гүйцэтгэл (ХБГ-ээр), 2022 оны төсөв батлах тухай, Сумын газар зохион байгуулалтын 2021 оны төлөвлөгөөний биелэлт, 2022 оны төлөвлөгөө батлах тухай, Сумын ИТХ болон Тэргүүлэгчдийн хурлын тогтоолын хэрэгжилт зэрэг асуудлуудыг хэлэлцэн Хурлын хуралдаанд шилжүүлэв

Монгол улсын Төсвийн тухай хуулийн 8 дугаар зүйлийн 8.5.3.сум, дүүргийн Засаг дарга тухайн шатны жилийн төсвийн төслийг жил бүрийн 12 дугаар сарын 10-ны дотор тухайн шатны иргэдийн Төлөөлөгчдийн Хуралд өргөн мэдүүлэх заалтын дагуу Булган сумын Засаг дарга П.Нөхөрлөлбаяр сумын 2022 оны төсвийн төслийг хурлын даргад өргөн мэдүүллээ.

Тэргүүлэгчдийн 2021 оны 11 дүгээр сарын 12-ний өдрийн хурлаар: - Булган сумын нутаг дэвсгэрт гэмт хэрэг, зөрчлийн гаралтын байдал, цаашид авах арга хэмжээ, - ОНХС-ийн хэрэгжилтийн талаар мэдээллийг сонсож, үнэлэлт дүгнэлт өгөх, - Тохижилт үйлчилгээний ангийн үйл ажиллагааг сайжруулахаар хийсэн ажлын тайлан, - Хураамж тогтоох тухай зэрэг асуудлыг хэлэлцэв

Аймгийн Засаг даргын мөрийн хөтөлбөр, "Эрүүл ирээдүй" дэд хөтөлбөрийн хүрээнд архины хамаарал бүхий иргэдэд зориулсан сургалтыг АЗДТГ, Цагдаагийн газар, сумын ИТХ, ЗДТГ, холбогдох мэргэжлийн байгууллагуудтай хамтран зохион байгуулж байна.

Аймаг, сумын хэмжээнд ковид-19 цар тахлын нөхцөл байдал өндөр, өвчлөл буурахгүй байгаа энэ хүнд цаг үед Булган сумын ИТХ-ын төлөөлөгч З.Батбагана, Д.Баярмагнай, А.Ганболд, Ш.Дуламсүрэн, Л.Ганзориг, З.Золбоохүү, Х.Баясгалан, Г.Батхуяг, Б.Солонго, Д.Баасансүрэн, Д.Бямбажаргал, Ч.Ганбаатар нарын идэвх санаачлагаар аймгийн Нэгдсэн эмнэлэг, “Эмийн цэцэглэн”, Цоожэд” ӨЭМТ-дэд нэн шаардлагатай байгаа тоног төхөөрөмж болох амьсгалын аппаратыг УИХ-ын гишүүн асан, Булган аймгийн Улаанбаатар хот дахь нутгийн зөвлөлийн дарга Э.Мөнх-Очирын дэмжлэгээр гардуулан өглөө. Сайн үйлс дэлгэрэх болтугай.

ОНХС-ийн хөрөнгө оруулалтаар хийгдэж буй явган замын ажлын явцтай танилцаж, холбогдох хууль, дүрэм, технологийн дагуу гүйцэтгэхийг гүйцэтгэгч Өвөлжөөн булаг ХХК-ийн захирал Өлзийбаярт үүрэг болгов.